2015 jylǵy 30 qarasha, Astana qalasy
Kelisý komıssııasynyń erejesi men reglamentin bekitý týraly
2015 jylǵy 29 qazandaǵy Qazaqstan Respýblıkasy Kásipkerlik kodeksiniń 224-babyna sáıkes buıyramyn:
1. Qosa berilip otyrǵan:
1) osy buıryqqa 1-qosymshaǵa sáıkes Kelisý komıssııasy týraly ereje;
2) osy buıryqqa 2-qosymshaǵa sáıkes Kelisý komıssııasy týraly reglament bekitilsin.
2. Qazaqstan Respýblıkasy Ulttyq ekonomıka mınıstrliginiń Tabıǵı monopolııalardy retteý jáne básekelestikti qorǵaý komıteti zańnamada belgilengen tártippen:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryq memlekettik tirkelgennen keıin kúntizbelik on kún ishinde onyń merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalanýǵa, sondaı-aq Qazaqstan Respýblıkasynyń normatıvtik quqyqtyq aktileriniń etalondyq baqylaý bankine ornalastyrý úshin «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldanýyn;
3) osy buıryqty Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda ornalastyrýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Ulttyq ekonomıka vıse-mınıstrine júktelsin.
4. Osy buıryq 2016 jylǵy 1 qańtardan bastap qoldanysqa engiziledi jáne resmı jarııalanýy tıis.
Qazaqstan Respýblıkasynyń Ulttyq ekonomıka mınıstri E.DOSAEV
Qazaqstan Respýblıkasynyń Ulttyq ekonomıka mınıstriniń
2015 jylǵy 30 qarashadaǵy №746 buıryǵyna 1-qosymsha
Kelisý komıssııasynyń Reglamenti
1. Kelisý komıssııasy (budan ári – Komıssııa) óz qyzmetin Qazaqstan Respýblıkasynyń Kásipkerlik kodeksine jáne Kelisý komıssııasy týraly erejege jáne osy Reglamentke sáıkes júzege asyrady.
2. Komıssııa tóraǵasy monopolııaǵa qarsy organ vedomstvosyna (budan ári – vedomstvo) tergep-tekserý obektisiniń ótinishi túsken kúnnen bastap komıssııa otyrysynyń ýaqytyn belgileıdi.
3. Komıssııa vedomstvoǵa berilgen tergep-tekserý obektisiniń ótinishin tergep-tekserý aıaqtalǵan kúnge deıin jeti jumys kúninen asyrǵan merzimde qaramaıdy.
4. Komıssııanyń jumys organy (budan ári – jumys organy) monopolııaǵa qarsy organ vedomstvosynyń qurylymdyq bólimshesi bolyp tabylady.
5. Jumys organynyń anyqtamasy, tergep-tekserý obektisi ótinishiniń kóshirmesi, Qazaqstan Respýblıkasy monopolııaǵa qarsy zańnamasynyń buzýshylyqtaryn tergep-tekserý nátıjeleri boıynsha qorytyndy jobasy Komıssııa otyrysynyń kúni belgilengenge deıin eki jumys kúninen keshiktirmeı Komıssııa músheleriniń nazaryna jetkiziledi.
6. Komıssııa otyrysy monopolııaǵa qarsy organ vedomstvosy basshysynyń kirispe sózinen keıin ashyq dep esepteledi.
7. Komıssııa otyrysy onyń músheleriniń keminde úshten ekisi qatyssa ótti dep esepteledi.
8. Tergep-tekserý obektisiniń ókili qarsylyqtardy qaraý kezinde tergep-tekserý obektisi ókiliniń qarsylyǵyn qabyldaý nemese qabyldamaý boıynsha Qazaqstan Respýblıkasynyń zańnamalyq normalaryna súıene otyryp óz pikirin bildiredi.
9. Komıssııa sheshimi qarapaıym kópshiliktiń daýysymen qabyldanady.
10. Daýys berýge Komıssııa músheleriniń ǵana quqyǵy bar.
11. Komıssııanyń árbir múshesi bir ǵana daýysqa ıe bolady.
12. Daýystar teń bolǵan kezde komıssııa tóraǵasy sońǵy sheshimdi qabyldaıdy.
13. Komıssııa músheleri alǵan memlekettik jáne kommersııalyq qupııa bolyp tabylatyn málimetter jarııalaýǵa jatpaıdy.
14. Komıssııa otyrysynyń nátıjeleri qajetti qujattardy qosa bere otyryp, hattamamen resimdeledi.
Qazaqstan Respýblıkasynyń Ulttyq ekonomıka mınıstriniń
2015 jylǵy 30 qarashadaǵy №746 buıryǵyna 1-qosymsha
Kelisý komıssııasy týraly ereje
1. Jalpy erejeler
1. Monopolııaǵa qarsy organ vedomstvosynyń (budan ári – vedomstvo) kelisý komıssııasy (budan ári – Komıssııa) 2015 jylǵy 29 qazandaǵy Qazaqstan Respýblıkasynyń monopolııaǵa qarsy zańnamasyn buzýshylyqtardy tergep- tekserý nátıjeleri boıynsha qorytyndylardyń jobalaryn tergep-tekserýge qatysatyn adamdardy otyrysqa shaqyra otyryp, onyń tolyqtyǵy men Qazaqstan Respýblıkasynyń básekelestikti qorǵaý salasyndaǵy zańnamasynyń buzylý faktilerdiń onda keltirilgen dáleldemelerdiń sapasy nysanyna qaraý maqsatynda quryldy.
2. Komıssııa vedomstvo janyndaǵy konsýltatıvtik-keńesshi organ bolyp tabylady.
3. Komıssııa óz qyzmetinde Qazaqstan Respýblıkasynyń Konstıtýsııasyn, zańdaryn, Qazaqstan Respýblıkasy Prezıdentiniń jáne Úkimetiniń aktilerin, osy Erejeni, sondaı-aq Qazaqstan Respýblıkasynyń ózge de normatıvtik- quqyqtyq aktilerin basshylyqqa alady.
2. Komıssııa fýnksııalary
4. Komıssııa fýnksııalary:
1) Qazaqstan Respýblıkasynyń monopolııaǵa qarsy zańnamasyn buzýshylyqtardy tergep-tekserý nátıjeleri boıynsha qorytyndylardyń jobalaryn onyń tolyqtyǵy men onda keltirilgen dáleldemelerdiń sapasy nysanyna qaraý;
2) onyń tolyqtyǵy men onda keltirilgen buzylý faktileri dáleldemelerdiń sapasy nysanyna Qazaqstan Respýblıkasynyń monopolııaǵa qarsy zańnamasyn buzýshylyqtardy tergep-tekserý nátıjeleri boıynsha qorytyndylardyń jobalary boıynsha usynystar ázirleý bolyp tabylady.
3. Komıssııa quqyqtary
5. Komıssııa óz quzyretiniń sheńberinde:
1) monopolııaǵa qarsy organ vedomstvosynyń laýazymdy adamy (laýazymdy adamdary) osy Erejeniń 4-tarmaǵynda kózdelgen máseleler boıynsha tergeý nátıjeleri boıynsha qorytyndy jobasyna usynystar engizýge;
2) Komıssııa quzyretiniń máseleleri boıynsha sarapshylardy memlekettik organdardan tıisti beıindi mamandardy, qoǵamdyq birlestikterdi, qaýymdastyqtardy (odaqtardy) ótemsiz negizde tartýǵa;
3) Komıssııaǵa júktelgen fýnksııalardy júzege asyrýǵa qajetti ózge de quqyqtardy júzege asyrýǵa quqyly.
4. Komıssııa qyzmeti
6. Komıssııany monopolııaǵa qarsy organ vedomstvosynyń basshysy basqarady.
7. Monopolııaǵa qarsy organ vedomstvosynyń basshysy bolmaǵan kezde onyń fýnksııalaryn onyń mindetin atqarýshy adam oryndaıdy.
8. Komıssııa otyrystary, eger onda komıssııa músheleriniń jalpy sanynyń keminde jartysy qatyssa, quqyly bolyp sanalady.
9. Komıssııa quramy monopolııaǵa qarsy organ vedomstvosy basshysynyń sheshimimen tergeý obektisiniń árbir ótinishi boıynsha jasalady.
10. Komıssııa músheleriniń sany jeti adamnan aspaýy tıis.
11. Komıssııa hatshysy Komıssııa múshesi bolyp tabylmaıdy.
Qazaqstan Respýblıkasynyń Ulttyq ekonomıka mınıstriniń
2015 jylǵy 30 qarashadaǵy №746 buıryǵyna 2-qosymsha
Kelisý komıssııasynyń Reglamenti
1. Kelisý komıssııasy (budan ári – Komıssııa) óz qyzmetin Qazaqstan Respýblıkasynyń Kásipkerlik kodeksine jáne Kelisý komıssııasy týraly erejege jáne osy Reglamentke sáıkes júzege asyrady.
2. Komıssııa tóraǵasy monopolııaǵa qarsy organ vedomstvosyna (budan ári – vedomstvo) tergep-tekserý obektisiniń ótinishi túsken kúnnen bastap komıssııa otyrysynyń ýaqytyn belgileıdi.
3. Komıssııa vedomstvoǵa berilgen tergep-tekserý obektisiniń ótinishin tergep-tekserý aıaqtalǵan kúnge deıin jeti jumys kúninen asyrǵan merzimde qaramaıdy.
4. Komıssııanyń jumys organy (budan ári – jumys organy) monopolııaǵa qarsy organ vedomstvosynyń qurylymdyq bólimshesi bolyp tabylady.
5. Jumys organynyń anyqtamasy, tergep-tekserý obektisi ótinishiniń kóshirmesi, Qazaqstan Respýblıkasy monopolııaǵa qarsy zańnamasynyń buzýshylyqtaryn tergep-tekserý nátıjeleri boıynsha qorytyndy jobasy Komıssııa otyrysynyń kúni belgilengenge deıin eki jumys kúninen keshiktirmeı Komıssııa músheleriniń nazaryna jetkiziledi.
6. Komıssııa otyrysy monopolııaǵa qarsy organ vedomstvosy basshysynyń kirispe sózinen keıin ashyq dep esepteledi.
7. Komıssııa otyrysy onyń músheleriniń keminde úshten ekisi qatyssa ótti dep esepteledi.
8. Tergep-tekserý obektisiniń ekili qarsylyqtardy qaraý kezinde tergep-tekserý obektisi ókiliniń qarsylyǵyn qabyldaý nemese qabyldamaý boıynsha Qazaqstan Respýblıkasynyń zańnamalyq normalaryna súıene otyryp óz pikirin bildiredi.
9. Komıssııa sheshimi qarapaıym kópshiliktiń daýysymen qabyldanady.
10. Daýys berýge Komıssııa músheleriniń ǵana quqyǵy bar.
11. Komıssııanyń árbir múshesi bir ǵana daýysqa ıe bolady.
12. Daýystar teń bolǵan kezde komıssııa tóraǵasy sońǵy sheshimdi qabyldaıdy.
13. Komıssııa músheleri alǵan memlekettik jáne kommersııalyq qupııa bolyp tabylatyn málimetter jarııalaýǵa jatpaıdy.
14. Komıssııa otyrysynyń nátıjeleri qajetti qujattardy qosa bere otyryp, hattamamen resimdeledi.
15. Hattamada Komıssııa quramy, shaqyrylǵan adamdar, otyrys orny, merzimi jáne kúni, Komıssııa músheleriniń aıtqan ustanymdary, sondaı-aq shaqyrylǵan sarapshylar bolǵan kezde olardyń pikirleri kórsetiledi.
16. Hattama jobasyn onyń otyrysyna qatysqan Komıssııa músheleri kelisedi.
17. Hattamaǵa Komıssııa tóraǵasy qol qoıady jáne tergep-tekserý obektisiniń jáne tergep-tekserý júrgizgen laýazymdy adamnyń (adamdardyń) nazaryna jetkiziledi.
18. Komıssııanyń materıaldary men hattamalyq sheshimderiniń esebi men saqtalýyn Komıssııanyń jumys organy júzege asyrady.
Buıryq Qazaqstan Respýblıkasynyń Ádilet mınıstrliginde 2015 jylǵy 29 jeltoqsanda Normatıvtik quqyqtyq kesimderdi memlekettik tirkeýdiń tizilimine №12593 bolyp engizildi.